Guilty

Guilty sa paglabag sa Saligang Batas dahil sa hindi tamang pagdedeklara ng kanyang statement of assets, liabilities, and net worth (SALN) ang naging hatol ng Senado na umupong impeachment court kay dating Chief Justice Renato Corona. Dahil sa desisyong ito, si Corona ang naging pinakaunang opisyal ng pamahalaan sa Pilipinas na napaalis sa puwesto sa pamamagitan ng impeachment.

Dalawampu laban sa tatlo ang naging final score. Sa mga senador, sina Joker Arroyo, Miriam Defensor Santiago, at Ferdinand Marcos lamang ang bomoto para mapawalang-sala si Corona.

Continue reading “Guilty”

Bangayan

Parang si Bernardo Carpio lang ngayon ang mga Pilipino. Sa mga hindi nakakakilala kay Bernardo Carpio, isa siyang tauhan sa mitolohiyang Pilipino. Napapagitna siya sa dalawang napakalaking bato, at gamit ang kanyang pambihirang lakas ay pinipigilan niyang magbungguan ang mga ito. Sinasabing kapag gumagalaw raw si Bernardo Carpio ay nagkakaroon ng lindol.

Gaya ni Bernardo Carpio, napapagitna ngayon ang mga Pilipino sa nagbabanggaang malalaking tao: sina Punong Mahistrado Renato Corona at Pangulong Noynoy Aquino.

Continue reading “Bangayan”

Koronang tinik

Ang reynang itim ay di yayao nang walang huling hirit; dilaw na prinsipe’y pinutungan muna ng koronang tinik!

Sa kabila ng malawakang pagtutol sa loob at labas ng legal community dahil sa mga usaping legal at ethical, nagtalaga si Gloria Arroyo ng bagong punong mahistrado ng Kataastaasang Hukuman — isa sa maraming midnight appointments niya. Ayon sa saligang batas, dalawang buwan bago ang halalang pampanguluhan ay bawal nang mag-appoint ang pangulo ng mga bagong opisyal, liban na lamang kung pansamantala lamang at lubhang kailangan.

Continue reading “Koronang tinik”