Tag: Noynoy Aquino

Bangayan

Parang si Bernardo Carpio lang ngayon ang mga Pilipino. Sa mga hindi nakakakilala kay Bernardo Carpio, isa siyang tauhan sa mitolohiyang Pilipino. Napapagitna siya sa dalawang napakalaking bato, at gamit ang kanyang pambihirang lakas ay pinipigilan niyang magbungguan ang mga ito. Sinasabing kapag gumagalaw raw si Bernardo Carpio ay nagkakaroon ng lindol.

Gaya ni Bernardo Carpio, napapagitna ngayon ang mga Pilipino sa nagbabanggaang malalaking tao: sina Punong Mahistrado Renato Corona at Pangulong Noynoy Aquino.

Tags Noynoy Aquino, Renato Corona

Pinoy Gazette

Destab

Sa isang panayam sa telebisyon kamakailan, sinabi raw ni retired Archbishop Oscar Cruz na may ilang grupong nagbabalak na alisin sa pwesto si Pangulong Noynoy Aquino dahil sa kawalang-kakayanan ng huli sa pamumuno sa bansa.

May military component daw ang isa sa mga grupong nagbabalak ng masama kay Noynoy, at ang isa naman ay may sapat na pananalapi para mapondohan ang destabilisasyon.

Tags destab, Noynoy Aquino

Pinoy Gazette

Porsche ni PNoy

Kontrobersiyal ang desisyon ni Pangulong Noynoy Aquino na bumili ng “third-hand” luxury sports car na Porsche gamit ang personal niyang pera. Hati ang opinyon ng mga Pilipino. Para sa iba, ayos lang ang ginawa ni PNoy. Pero may mga bumatikos din sa kanya.

Ibinenta raw ni PNoy ang luma niyang BMW upang mabili ang awtong pangkarera. Hindi nga naman ilegal ang ginawa ng Pangulo dahil hindi naman galing sa kaban ng bayan ang ipinambili niya ng mamahaling kotse. Karapatan din naman niyang maglibang sa gitna ng nakakapagod na trabaho bilang pinuno ng bansa.

Tags Noynoy Aquino, Porsche

Pinoy Gazette

Bagong umaga

(Unang nalathala sa Tinig.com)

Maganda ang gising ko noong umaga pagkatapos ng eleksyon. Kaisa ako ng isang buong bayang wari’y sabay-sabay na naglabas ng isang mapagpalayang buntung-hininga matapos ang di-inaasahang kinalabasan ng halalan.

Sa kabila ng napakaraming mga pangambang dulot ng kawalang-tiwala sa mga nakaupong aliw na aliw sa kapangyarihan, nairaos din ang halalan. Pagsapit ng gabi, nasaksihan ko sa telebisyon ang mabilis na pagdating ng mga resulta ng botohan. Tuwang-tuwa ako na kahit sa bilangan ng boto man lang, wari’y ang pagiging first world ay ating natikman.

Tags eleksyon, Noynoy Aquino, People Power

Pinoy Gazette

Koronang tinik

Ang reynang itim ay di yayao nang walang huling hirit; dilaw na prinsipe’y pinutungan muna ng koronang tinik!

Sa kabila ng malawakang pagtutol sa loob at labas ng legal community dahil sa mga usaping legal at ethical, nagtalaga si Gloria Arroyo ng bagong punong mahistrado ng Kataastaasang Hukuman — isa sa maraming midnight appointments niya. Ayon sa saligang batas, dalawang buwan bago ang halalang pampanguluhan ay bawal nang mag-appoint ang pangulo ng mga bagong opisyal, liban na lamang kung pansamantala lamang at lubhang kailangan.

Tags Gloria Macapagal-Arroyo, Noynoy Aquino, Renato Corona